Ama, tulak-tulak anǥ kaniƴanǥ anak na naka wheel-chair sa Paǥ-aapplƴ nǥ Trabaho

Isa nanamang kwento ang ibinahagi ng isang Netizen na si Zaldy Ordiales Bueno, na isang head teacher sa isang pampublikong paaralan.

Napuno ng inspirasyon at paghanga ang naturang post dahil sa mag-amang nakita niya sa paaralan na kanyang pinapasukan. Hindi matatawaran ang pagmamahal ng isang mag-ama na kahit ano pa mang sitwasyon ay kakayanin para matupad ang mga pinapangarap

Idinetalye ni Zaldy sa kanyang post ang nakakaluha at nakakamanghang dedikasyon ng mag-ama upang makapagtrabaho.Makikita sa mga larawan ang isang ama habang itinutulak ang kaniyang anak na naka wheel chair papunta sa kaniyang job interview.

Kinilala ang aplikanteng ito na si Edwin Garin na residente ng Atimonan. Nag-aasam nga ang kaniyang anak na makapagtrabaho kahit na may kapansanan. Suportado naman ito ng kaniyang ama na handang gawin ang lahat para sa kaniyang anak. Sa mismong interview, hindi maiwasan ni Zaldy na maluha habang kausap ang aplikante nito na naka wheel chair dahil sa naging kwento ng kaniyang buhay. Nakapag tapos ang aplekanto sa kursong Education.

Layunin ng lalaki na matanggap siya sa kaniyang pinag-aapplyan upang magbunga ang kaniyang pagsisikap pati narin ang matiyagang pagtutulak sa kaniya ng kaniyang ama, na ngayon ay nasa edad sitenta y singko (75) na. Isa itong patunay na hindi nga hadlang ang anumang kapansanan o kaya estado sa buhay upang abutin ang mga pinapangarap, basta’t nariyan ang pamilya na nakasuporta sa lahat ng oras. Napaka sarap isipin ang walang kondisyon na pagmamahal ng mag-ama.