John Lloyd Cruz, May Sinabi Tungkol Sa Kaniyang Anak Sa Kauna-unahang Pagkakataon

Ibinahagi ni John Lloyd Cruz sa isang panayam kamakailan lamang ang saya at hirap na kaniyang pinagdaanan bilang isang ama sa kaniyang 2-ta0...

Ibinahagi ni John Lloyd Cruz sa isang panayam kamakailan lamang ang saya at hirap na kaniyang pinagdaanan bilang isang ama sa kaniyang 2-ta0ng-gulang na anak na si Elias Modesto.

Sa kaniyang panayam sa chairperson ng Movie ang Television and Classification Board (MTRCB) na si Rachel Arenas para sa MTRCB Uncut YouTube show, ibinahagi ng 37-anyos na aktor ang kaniyang mga napagtano at mga nabago sa kaniyang buhay noong siya ay naging isang ama na.

Tanong ni Arenas,

"How did your life change nung dumating sa buhay mo yung anak mo?”

 

 

Sagot naman ni John Lloyd,

“Siyempre ano, para kang nagkaroon ng bagong buhay.”

Nang tanungin tungkol sa pangarap niya para sa kaniyang anak, sinabi ni John Lloyd na susuportahan niya ang anak na si Elias sa bawat bagay na nais nitong gawin hangga't siya ay walang tinatapakan na ibang tao at malinis ang kaniyang hangarin.

Aniya,

“Hindi ko alam kung big na yun para sa akin. I’m sure yung dreams niya will be so much bigger, ‘no. Pero para sa akin, magawa lang niya kung ano talaga, kumbaga, hangad ng damdamin niya or kung ano ang gusto niyang gawin.

 

 

“Kung gusto niya maging astronaut, kung gusto niya maging tambay, kung anong gusto niyang gawin… kumbaga, susuporta lang ako.”

Si Elias ay magta-tatlong gulang na sa Hunyo 2021.

Matapos ang matagal na pamamahinga sa showbiz limelight, ngayon ay nagbabalik naman si John Lloyd para sa kaniyang pelikula na 'Servando Magdamag' ni Lav Diaz.

Ibinahagi din ni John Lloyd ang kaniyang opinyon tungkol sa plano niyang pagbabalik sa showbiz.

Saad ng aktor,

“Medyo nagba-vary po talaga yun especially kung sino yung magpi-perform. Para sa akin, maganda yung opportunity na ‘to para malaman ko kung ano ba yung… kasi kung ano yung mga hindi nag-work before, I would like to correct it now."

 

 

Dagdag pa niya,

“Now that I have a chance, di ba? Parang babalik ka ulit, parang ano ba yung pwede nating i-improve? Ano ba yung pwede nating mas pagtuunan ng pansin in terms of management, di ba?

“Kasi, parang napatunayan mo na, na hindi nag-work yung unang approach mo, e. Hindi siya sustainable. So yun, kung ano man yung kalalabasan nun, I hope, parang siguro ‘yan yung ibig sabihin na 100 percent.”