Miss Universe Philippines, ginpakita ang glimpse sang golden crown para sa Miss Universe 2022

Indi lamang magatiglawas sang pungsod ang magadaog nga Miss Universe Philippines kundi makuha man niya ang tysansa nga masuksok ang bag-o nga golden crown.

Ginpakita na sang Miss Universe Philippines organization ang glimpse sang “La Mer en Majesté Crown,” nga naga-feature sang golden South Sea pearls.

Ang Miss Universe coronation ang patigayunon sa April 30 nga magahatag sang tyansa sa 32 ka mga kandidata nga magtiglawas sa pungsod sa Miss Universe Pageant.

Ang magadaog ang mabulos kay Beatrice Gomez sang Cebu City nga nagtapos sa top 5 sang 70th Miss Universe sa Israel.

Star-studied naman ang pageant bangud mangin host sanday Miss Universe 2015 Pia Wurtzbach, Miss Universe 2016 Iris Mittenaere kag Miss Universe 2017 Demi-Leigh Tebow.

Balantayan man ang mangin special guest nga si Reigning Miss Universe Harnaaz Sandhu sang India.

Balantayan man ang pambato sang Iloilo Province nga si Vanessa Caro kag pambato sang Iloilo City nga si Dorothy Gemillan.

Ang preliminary competition ang patigayunon sa April 27 apang antes sina, may close door interview nga patigayunon.

Para sa latest updates sa Miss Universe Philipines 2022, bantayan lang diri sa Bombo Radyo Iloilo.